И мукьвара СтIал Сулейманан районда, машгьур спортсмен Велибег Ягъибегован экуь къаматдиз бахшна, волейболдай районрин арада уртах турнир кьиле фена. Ана республикадин жуьреба-жуьре шегьеррай ва районрай тир командайри иштиракна.
Турнир ачухуниз талукьарнавай шад мярекатдал райондин кьилин 1-заместитель Лацис Оружева, турнирдин тешкилатчи — райадминистрациядин спортдин, туризмдин ва жегьилрин крарин рекьяй комитетдин директор Чингиз Абдулмежидова ва Ягъибеговрин хизандин векилри спортдин серенжемдин иштиракчияр тебрикна, абурухъ агалкьунар хьана кIанивилин келимаяр лагьана.
Кругдин къайдада кьиле фейи къугъунра СтIал Сулейманан райондин 1-нумрадин ДЮСШ-дин — 1, Каспийскдин — 2 ва Курхуьруьн командайри 3-чкаяр кьуна.
КIвенкIвечи чкаяр кьур вири командайриз кубокар, медалар ва грамотаяр гана.
Рагнеда Рамалданова
