Дагъустанда гуьгьуьллубурун «Каспий» батальон тамамдиз кIалубда гьатунин кIвалахар давам жезва. Аскервилиз цIийиз кьабулнавай вирибуруз тежрибалу инструкторри герек тир чирвилер гузва, пешекарвилин полигондал женгинин гьерекатрихъ галаз танишарзава.
Подразделенийриз фейила, военный къуллугъчияр лазим тир вири затIаралди таъминарзава. Гуьгьуьллубуруз гузвай гьакъидикай рахайтIа, ам къуллугъдилай аслу жезва. Къуллугъдин са вацран оклад 205 агъзур манат я. Гьа са вахтунда батальондиз гьахьайвалди, са сеферда яз 200 агъзур манат пул гузва. Гуьгьуьллувилелди аскервал ийизвайбуруз яшайишдин рекьяй мад хейлин кьезилвилер, эвездин такьатар талукь я.
«Лезги газет»
