Ватанпересвал

Донбассда кьиле тухузвай дяведин махсус се­ренжемда СтIал Сулейманан райондай 400 касдилай гзафбуру иштиракзава. Вагиф абурукай сад я. Ам 1994-йисан 8-ап­релдиз Рагьидин ва Биги­магъа Мегьамедрагьимов­рин гьуьрметлу хизанда ди­­дедиз хьана.

Вагифа Кьасумхуьруьн 2-нумрадин юкьван школа, гуьгъуьнлай Дагъустандин политехнический техникум акьалтIарна. Кьве йисуз Челябинскдин областда Россиядин Яракьлу Къуватрин жергейра къуллугъна. Кьве йисалай ада икьрар кутIунна, къуллугъ авун давамарна.

Вагиф Рагьидинович Донбассда кьиле тухузвай­ махсус серенжемдиз гьа сифте­ йикъара фена. Алай вахтунда ам Луганскдин Республикада старший прапорщик, 23 кас аскерар авай взводдин командир я.

— Чи взводда са шумуд миллетдин векилар, гьабурукай яз дагъустанвиярни ава, — ихтилатзава взводдин командирди. — Вири са стхаяр, са хизан хьиз я. Ида чаз вилик акъвазнавай къуллугъдин везифаяр ва командованидин тапшуругъар намуслудаказ кьилиз акъудунин карда куьмекзава.

Вичикай рахун хуш тушир Вагиф халис ватанпе­рес тирди, дагъвидиз хас тирвал, ада викIегь­вилер,­ жуьрэтлувилер къалурзавайди адаз ганвай­ шабагьрай якъин­ жезва. Кьилди къачуртIа, В.Ме­гьа­мед­ра­гьимоваз «Женгера тафаватлувиляй» ва Суворован медалар ганва, гьакIни адаз Россиядин Президент Владимир Путина ва Челябинскдин областдин губернаторди чухсагъулар малумарна.

Отпуск куьтягь хьайила, Мегьамедрагьимов СВО-дин зонадиз хъфида, къуллугъдин везифаяр тамамарунив эгечI хъийида.

Чи мурад Вагиф Рагьидинович ва дяведин махсус серенжемда иштиракзавай вири кьегьалар, гъалибвал къачуна, сагъ-саламатдиз хтун я.

Хазран  Кьасумов