18-мартдиз Москвада, «Измайло­во» спорткомплексда, азаддаказ кьур­шахар­ кьунай Россиядин лайихлу тренер Ф.Премильскийдин экуь къа­матдиз­ бахшнавай Вирироссия­дин акъажу­нар акьалтIна.

Чи уьлкведин жуь­ре­ба-жуьре регионрай тир 100-ев агакьна пагьливанри заланвилин 10 кате­гориядай чпин гьунарар къалурна. Абурун жергедай яз, чи ватанэгьлийри — Адам Тагъиевани (57 кг) Къайиб Имирасланова (65 кг) — абур кьведни Москвадин патай экъечIзава, гьакI Москвадин областдин патай экъечI­завай Рагьим Алискерова (65 кг) буьруьнждин медалар къазанмишна.

РикIел хкин: СтIал Сулейманан райондин Герейханован хуьряй тир Рагьим Алискерова са тIимил йикъар идалай вилик Москвада 24 йисал къведалди яшара авай жегьилрин арада азаддаказ кьур­шахар кьунай областдин ва Къайиб­ Имир­асланова 20 йисал къведалди яшара авай жегьилрин арада Москвадин кIвен­кIвечивал патал кьиле фейи акъажунрани гъалибвилер къазанмишна.

Рагнеда Рамалданова