Сулейман-Стальский раойндин Агъа Стlалрин хуьре мукьвал вахтара цlийи спортзал кардик акатда. И гьакъиндай «Лезги газетдиз» райондин администрациядин пресс-къуллугъди хабар гузва.
Спортзалдин дарамат райондин депутатрин Собранидин председателдин заместитель Максим Аскерован такьатрихъ эцигзава. Адан фикирдин тереф райондин кьили ва хуьруьн агьалийрини хвена.
Къейдзавайвал, залдин дараматдин яргъивал 27 метр ва гьяркьувални 7 метр я.
Хуьруьн мектебдин патав гвай куьгьне дарамат цlийи хъувуналди арадал гъизвай спортзал девирдин истемишунрив кьурди жеда. Алай вахтунда къав дегишнава, къенепатан кlвалахар хъувуна кlанзава. Цlийи спортзалда хуьруьн жегьилриз спортдин са шумуд жуьредал машгъул жедай мумкинвал жеда.
«Лезги газет»
