Дагъустанда государстводин цIийи шабагь арадал гъанва. Дагъустан Республикадин гьуьрметдин «Регьимлувиляй ва хъсанвиляй» лишан инсанар кьиникьикай хуьник ва абурун сагъламвал мягькемаруник, игьтияж авай инсанриз, Украинада кьиле физвай махсус серенжемдин иштиракчийриз, абурун хизанриз куьмекар гуник, мергьяматлу, хъсан крар тухуник пай кутазвайбуруз гуда.
Къейд ийин хьи, ихьтин шабагь арадал гъунин теклиф республикадин Кьилиз РД-дин халкьдин артист Марат Тимохина ганай. Сергей Меликоваз и теклиф хуш хьана ва ам арадал гъидай къарар кьабулна.
24-январдиз кьиле фейи Халкьдин Собранидин заседанидал депутатрини цIийи шабагьдиз талукь проектдин тереф хвена.
«Лезги газет»
