Минскдай – Махачкъаладиз

«Белавиа» авиакомпаниядин пресс-къуллугъди хабар гузвайвал, алай йисан 26-апрелдилай Минск — Ма­хач­к­ъала авиарейсер кардик акатда. Чешмедин малуматралди, само­лёт­ри Белоруссиядин меркездай ­Да­­гъустандин меркездиз гьафтеда    са сеферда лув гуда – гьар жуьмя­ юкъуз.

Къейд ийин хьи, цIийи рейсина «Embraer-195» самолетди лув гуда. Ада 107 пассажир гьакьзава.

Са патахъ билетдин къимет тах­минан  11  агъзур  манатдиз  барабар жеда.

ЦIийикIа туькIуьр хъийида

Алай йисуз Дагъустанда, милли «Хатасуз ва еридин рекьер» проектдин сергьятра аваз, 45 километрдин мензилда шегьре рекьер цIийикIа туькIуьр хъийида.

РД-дин Кьилин ва Гьукуматдин Администрациядин телеграм-каналди хабар гузвайвал, и кIвалахриз республикадин бюджетдай 1,2 миллиард манат пул чара ийида.

Ремонтдай рекьер 5 райондин ва­ Ма­хачкъала шегьердин мулкарик­ акат­за­ва­­. Ремонтдин­ кIва­лахар «Ма­нас — Сер­го­къала — Перво­май­ское», «Буй­нак­ск — Гим­­ри — Чирката» ва маса рекьера тешкилда.

Агьмед  Магьмудов