Квез чидани?
. Ахтармишунин нетижада пешекарри тестикьарнавайвал, кацериз чпин иесидин сес чир жезва.
. КIвалин гьамбардин кьифери чIур хьайи ва чеб патал зегьерлу суьрсетар садрани недач.
. Хундуздиз 5-7 сантиметрдин яцIувал авай тар ярхарун патал 5 декьикьа вахт бес жеда.
. Адет яз, тек жанавурар хаталу туш – вичин лужунихъ галачир вагьшийри мукъаятвал хуьда.
. Бязи хъалхъас хъиперивай яд галачиз са йисуз, гьатта гьадалайни артух вахтунда дурум гуз жеда. Гьавиляй вилик вахтара яргъалди сирнав ийиз экъечIдай морякри ихьтин хъалхъас хъипер чан алай консервийрин еринда чпив кьадай.
. Крокодилдихъ пIузарар авач, гьавиляй адавай сив тамамдиз кIевиз жезвач.
. Ял ядай вахтунда зебрайри рамагдал чпикай къаравулар эцигзава. Хаталувал малум жез хьайитIа, къаравулвалзавай зебрайри рамагдиз хабар гузва.
. Калеривай гурарай винелди хкаж жез алакьун мумкин я, амма анай эвичIиз хъжедач.
. КицIериз инсанриз ван къведай мензилдилай 10 сеферда артух мензилдайни ван къведа.
. Кьаркьулуври садакай масадак акатдай азарар чукIурзавай, са гьайвандилай маса гьайвандал лув гузвай гьашаратар тергзава. Кьилди къачуртIа, са сезонда кьаркьулуври лап гзаф кьадарда ветIер, пепеяр ва чепелукьар незва. Гьакъикъатдани, и гьашаратрикай гзафбуру тропикрин уьлквейра инсанар кьиникьал гъидай хаталу азарар чукIурзава.
. Герек тир кьеж незвай набататрикай кьабулзавайвиляй жирафривай яд хъун тавуна са шумуд гьафтеда эхиз жеда. Гьа са вахтунда абуру са сеферда 38 литр кьван яд хъун мумкин я.
«Лезги газет»
