Мытищи шегьерда, СССР-дин лайих­лу тренер А.Ф.Попеван экуь къамат ри­кIера хуьнин лишан яз, азаддаказ­ кьуршахар кьунай Вирироссиядин тур­нир кьиле фена. Ана 200 спорт­сменди иштиракна.

Турнирда ери-бине СтIал Сулейманан райондин Герейханован хуьряй тир, алай вахтунда Махачкъалада тренерар тир Жамал Мирземетован ва Артур Муталибован гъилик вердишвилер къачузвай Рагьим Алискерова (65 кг) 2-чка кьуна.

*  *  *

Мегьарамдхуьруьн районда Дагъус­тандин Кьиблепатан зонадин кIвен­кIве­чивал патал азаддаказ кьуршахар кьунай кьиле фейи акъажунра жаван 150 спорт­сменди иштиракна. Ана СтIал Сулейманан райондай тир Абдурагьман Шидиева (35 кг) — 1, Билал Асалиева (41 кг) 3-чкаяр кьуна.

Хазран  Кьасумов