Кьурагь райондин центрадин кьилин майдандал 25-июлдиз Дагъустан республикадин Конституциядин йикъаз талукьарнавай шад мярекатар кьиле фена.
Мярекатдал райондин Собранидин ва администрациядин патай тебрикдин келимаяр райондин кьилин заместитель Махач Хариева лагьана.
Кlватl хьанвайбуруз кьетlен югъ райондин общественный палатадин председатель Фахрудин Мирзоева, Россиядин халкьарин адетдин медениятдин центрдин директор Кевсер Фейзуллаевади ва масабуруни мубаракна.
Сятдин йикъан 3-даз медениятдин, информациядин ва печатдин центрдин артистрин коллективди кlватl хьанвай агьалийриз концерт гана. Тамашачийри Садуллагь Таибован, Кевсер Фейзуллаевадин, Мадина Муртазалиевадин, Рамазан Тагьирован ва масабурун музыкадин нумраяр гурлу капаралди кьабулна.
Мярекатар тешкилуник медениятдин, информациядин ва печатдин центрдин начальник Абдулкъадир Будаева еке пай кутуна.
«Лезги газет»
