11-декабрдиз Тюмендай рекье гьатдай 373\374-нумрадин Тюмень-Махачкъала поезд Дербентдиз кьван къведа. Дербентдиз ам 14 декабрдин йикъан сятдин 1 жез 5 декьикьа амайла агакьда. И поезд элкъвена гьа и юкъуз­ (14:09) хъфида. Им акI лагьай гаф я хьи, инлай кьулухъ Тюмень-Ма­хачкъала поезддикай Тюмень-Дербент поезд жезва. Тю­мендай­ декабрдин 11, 15, 19, 23, 27, 31 ла­гьай йикъа­риз, ахпа 2024-йисан январдин 4, 8, 12, 16, 20 лагьай йикъариз, яни гьар 4 йи­къалай рекье гьатда.

Дербентдай Тюмендиз – 14, 18, 22, 26, 30-де­кабрдиз ва 2024-йисан  3, 7, 11, 15, 19-январдиз ва икI мад.

Свердловскдин ракьун рекьин къарарда къалурнавайвал, и поезд, кьуьд-гад талгьана, гьамиша тестикьнавай расписанида кхьенвай йикъара фида.

Тюменда, Сургутда пара дагъустанвийри­ кIвалахзава. Гележегда и поезддихъ са вагон кьванни Сургутдиз, вагондай эвичI таву­на, фидайвал хьанайтIа мадни хъсан жедай.

Амирхан  Мегьамедшарифов

ракьун рекьерин инженер