Украинада кьиле тухузвай дяведин махсус серенжемда СтIал Сулейманан райондай хейлин кьегьалри викIегьвилелди иштиракзава. Райондин администрацияди ва яшайишдин рекьяй къуллугъдай органри Ватандин вилик чпин буржи намуслувилелди кьилиз акъудзавай хизанрин гьакъиндай къайгъу чIугвазва.
И йикъара райондин кьил Саид Темирханова, адан сад лагьай заместитель Лацис Оружева СВО-дин иштиракчияр тир Ислам Гьамзатован, Вадим ва Роберт Мирзоеврин хизанрал кьил чIугуна, игитрин дидейрин гуьгьуьл къачуна.
Вадим Мирзоевни Роберт Мирзоев имийрин рухваяр я. Украинада махсус серенжемдив эгечIайла, абур кьведни гуьгьуьллувилелди фена. Чпин вилик эцигай тапшуругъар викIегьвилелди кьилиз акъуддайла, кьегьалар телеф хьана. Диде-бубайриз башсагълугъвал гуналди, администрациядин руководителри хизанрин, дерди-баладикай чирна. Вадим Мирзоеван хизан авай куьчеда къир цанва.
Саид Темирханова дидейриз цуьквер, пишкешар гана, лайихлу рухваяр тербияламишунай абуруз сагърай лагьана.
Чи мухбир
