Къарабегов Руслан 1996-йисуз Дербент райондин Белиж поселокда, бинеяр Кьурагь райондин Аша хуьряй тир Жабиран хизанда, дидедиз хьана. Советрин Союздин Игит Абас Исрафилован тlварцIихъ галай Белиждин гимназияда юкьван образование къачур ам 2012-йисуз Москвадин командирар гьазурдай кьилин училищедик экечlна.
Анаг акьалтlарай жегьил лейтенант къуллугъиз Забайкальедин военный округдиз ракъурна. Ина, Китайдин сергьятдал кьван 100 км. мензил арада авай Борзя поселокда, ада военный частунин мотострелковый бригадада къуллугъна.
2021-йисуз вичин вилик командирри эцигай везифаяр викlегьдаказ кьилиз акъудунай, чалишмишвилерай ва тафаватлувиляй адаз старший лейтенантдин чин гана.
Алай йисан июндин вацралай Руслана Украинада кьиле физвай махсус серенжемда иштиракзава. Октябрдин юкьвариз Артемовскдин къваларив кьиле фейи женгера залан хирер хьана, ам госпиталдиз аватна. Духтурри кIвачел ахкьалдарай офицер вичи къуллугъзавай частуниз хъфена, муракаб везифайрив эгечl хъувунва.
Махсус серенжемдин женгера къалурай кьетlен викlегьвилерай ва дирибашвиляй РФ-дин Президент В.Путинан Указдалди старший лейтенант Руслан Къарабегов «Дирибашвиляй» медалдиз лайихлу хьана.
Къагьриман Ибрагьимов
