Мукьвара Махачкъалада лезги чIалал Мугьаммад ибн Абдуррагьман аль-Арифидин «Дуьньядин эхир. Къияматдин югъ мукьва хьунин гъвечIи ва чIехи лишанар — шикилар, картаяр ва баянар галаз» ктаб чапдай акъатнава.

Ам лезги чIалал чапдиз гьазурайди диндин алим, «Пак Къуръан ва адан манайрин таржума — лезги чIалал» ктабдин автор Ямин Мегьамедов я.

500 экземплярдин тираж аваз чапдай акъатнавай ктаб «Лезги газетдин» редакциядай маса гузва. Къимет — 800 манат.

*  *  *

Алатай гьафтеда «Лотос» чапханада Ямин Мегьамедован­ мад са ктабдиз­ дуьнья акуна — «Аллагьдин ТIва­рариз ва Сифетриз талукь къайдаяр».

500 экземп­ляр­дин тираж аваз акъатнавай и ктабдин редактордин везифаяр «Лезги газетдин» кьилин редактор, Алкьвадар Гьасанан тIварцIихъ галай центрадин директор Мегьамед Ибрагьимова тамамарнава.

Ктабда гьар са мусурмандиз чир хьана кIанзавай Аллагьдин тIварариз ва сифетриз талукь къайдайрикай гегьеншдиз раханва. Ам «Лезги газетдин» редакциядай 100 манатдай маса къачуз жеда.

Чи  мухбир