Эгер ватандашриз ЕГРН-дай выписка къачуз кIанзаватIа, и кар регьятдаказ кьилиз акъудиз жедай рехъ ава – онлайн къайдада, «Госкъуллугъар» порталдикай менфят къачуналди. И жуьре хкягъуникди МФЦ-диз финин чарасузвал амукьзавач.

Неинки ЕГРН-дай выписка, гьакI маса документарни, са идарадизни тефена, кIваляй арза вугуналди, къачудай мумкинвал ава. Кьилди къачуртIа, МФЦ-диз тефена, къачуз жедай справкайрин сиягьдик ихьтинбур акатзава:

 судди кар атIанвайди ва я суддик акат тавунвайди я лагьай справка;

 наркотикар квай затIар ишлемишунай административный жаза ганвайди яз хьунин ва я тахьунин гьакъиндай справка;

 страховатнавай касдин ИЛС-дин (индивидуальный лицевой счет) гьалдикай малуматар;

 пенсиядин ва яшайишдин маса пуларин такьатрин кьадар;

 яшайишдин къуллугъар (услуга) къачудай ихтияр авайвилин гьакъиндай справка;

 СФР-ди (Россиядин Яшайишдин фонд) гузвай пулунин такьатрин гьа­къиндай справка;

 тамам яшдихъ агакь тавунвай ватандаш яшамиш жезвай чкада регистрация хьанвайвилин гьакъиндай шагьадатнама;

 авай (фенвай) чкада регистрация хьанвайвилин гьакъиндай шагьадатнама.

Эгер герек ятIа, документдин чарчин ва­риантни МФЦ-дин идарадай къачуз жеда.

«Лезги газет»