Квез чидани?
Гьатта телевизордайни дуьшуьш тахьай ажайиб гьайванрин кьадар тIебиатда акьван гзаф ава хьи, ахьтинбурукай малуматар агакьайла, чIалахъ тахьунни мумкин я. Шикилдай аквазвайди балугъ-кьуьгъуьр я. Ихьтин тIвар адал жендек яргъи цацари-рапари кьунвайвиляй акьалтнава. Балугъ-кьуьгъуьр Атлантический, Тихий ва Индиядин океанра яшамиш жезва. Вичин акунрай ам фугу лугьудай балугъдиз ухшар я.
Итижлу делил ам я хьи, сив ва хук гьуьлуьн цив ацIурна, и балугъди вич цацар алай шардиз элкъуьрзава. Им адан уьмуьр патал хийирлу кар я: беден цив ацIанвай вахтунда цацар алай балугъдал гьар гьи вагьшидивай хьайитIани сив вегьез жедач.
Пешекарри тестикьарзавайвал, тетродотоксин кIватI жезвайвиляй и балугърин хам ва къенепад зегьерлу хьун мумкин я.
«Лезги газет»
