Са тIимил йикъар идалай вилик Ставрополь шегьерда азаддаказ кьуршахар кьунай кьиле фейи Вирироссиядин ачух турнирда ва Грозный шегьерда Чечнядин сад лагьай президент Агьмат-Гьажи Къадиров дидедиз хьайидалай инихъ 72 йис тамам хьуниз талукьарнавай международный турнирда Кьурагь райондин спортсменрини приздин чкаяр кьуна. Идакай чаз райадминистрациядин пресс-къуллугъди хабар гана.
ИкI, райондин хкянавай командадик кваз иштиракай Али Гьабибуллаева (75 кг-дин заланвал авайбурун арада) — 2, Гьажимурад Эмирбегова (38 кг-дин заланвал авайбурун арада) ва Абдурагьим Мамедова (35 кг-дин заланвал авайбурун арада) 3-чкаяр кьуна.
Тренер Эрелар Фейзулаеван гъилик чпин уствадвал хкажзавай спортсменри ибур къазанмишнавай сифтегьан агалкьунар туш.
Рагнеда Рамалданова
