Жегьилрин ва аялрин арада сагълам уьмуьр кечирмишун пропаганда авунин макьсаддалди и йикъара Каспийскда чи машгьур спортсмен, боксдай дуьньядин ва Европадин, Россиядин 4 сеферда чемпион, спортдин лайихлу мастер Альберт Селимован иштираквал аваз кьиле фейи серенжемни итижлуди ва менфятлуди хьана. ИкI, Каспийскда («Чемпионрихъ галаз пробежка» лишандик кваз, гьар гьафтеда тухун адет хьанвайвал) чукурунар тешкилна. Абура жуьреба-жуьре яшарин гзаф кьадар инсанри иштиракна.
Чукурунилай гуьгъуьниз Альберт Селимова кIватI хьанвайбурухъ галаз сагълам уьмуьр кечирмишуниз талукь яз вичин тежрибадикай ва чирвилерикай, санлай спортдикай суьгьбетарна.
Спортдин серенжемдин тешкилатчи «Каспийскдин жегьилар» ДРОО-дин регьбер Рамазан Гьайдарбегов тир.
Рагнеда Рамалданова
