Хуьруьга авай федеральный метлебдин культурадин ирсинин объект — минара галай жуьмя-мискIин – цIийикIа туькIуьр хъувунин кIвалахар мукьвара акьалтIардайвал я.
Са тIимил йикъар идалай вилик Дербентдин музей-заповедникдин кьилин архитектор Расим Мегьамедов объектдал кIвалахар кьиле тухузвай гьалдихъ галаз таниш хьана. Алай вахтунда минарадин цлар махсус къаришмадалди мягькемарзава. Цларин къенепатайни ракьун каркас туькIуьрзава.
РикIел хкин: Хуьруьгрин мискIин Дербентдин тарихдинни архитектурадин ва археологиядин музей-заповедникдив ишлемишиз вахканва.
МискIин чукIуникай хуьн патал ремонтдин кIвалахар Дагъустан Республикадин культурадин ирс хуьнин рекьяй Агентстводи ганвай ихтиярдин бинедаллаз махсус карханади кьилиз акъудзава.
КIвалахар алай йисан августдин эвел кьилера акьалтIарун пландик ква.
Чи мухбир
