Алатай гьафтеда Махачкъалада пауэрлифтингдай кьиле фейи Кеферпатан Кавказдин чемпионатда Къурушрин хуьряй тир Мейлан Баширова (75 кг-дал къведалди заланвиляй) 17-19 йисара авай жегьилрин арада къизилдин медаль къазанмишна.
Идалайни гъейри, ам пауэрлифтингдай Россиядин спортдин мастервилин тIварцIизни лайихлу хьана. М.Баширова Россиядин 3 рекорд (жим лёжа -120 кг, становая тяга — 240 кг, вири санал 545 кг хкажна) эцигна.
Гила ада декабрдиз Москвада кьиле фидай дуьньядин чемпионатдиз гьазурвилер аквада. Мейлан Баширова тренер Фейруз Къулиеван гъилик вичин устадвал хкажзава.
Р.Рамалданова
