РД-дин тIебиатдин ресурсрин ва экологиядин министерстводин  “ТIебиатдин кьетIендаказ хуьзвай  мулкарин ва гьайванрин алемни цин биоресурсар хуьнин дирекция” ГКУ-ди  республикадин  вири заказникрин ва районрин уртах отделрин  мулкара вагьши гьайванар патал кьел  эцигуниз талукь биотехнический мярекатар кьиле тухванва.

Векь недай гьайванриз кьел  бе­денди  алаф  дуьзгуьндаказ ишлемишун, рикIинни дамаррин системади къайдадик кваз кIвалахун патал лазим я. ГьикI лагьайтIа, минеральный кьелерик натрий, калий ва ма­са микроэлементар  ква, абур бес тахьуникди вагьши гьайванрин  гзаф кьадар азарар арадал къвезва, кьуру алафрик лагьайтIа, гьайванрин бедендиз лазим кьадар кьел квач.

Ихьтин серенжемар кьиле тухуни  кек алай вагьши гьайванар и ва я ма­са чкадив вердишардай мум­кин­вал гузва. Кьелер эцигдай чкаяр виликамаз мукьуфдивди хкя­гъун, и кар патал гьайванрин рикI алай чкаяр жагъурун ва абуру яваш-яваш ихьтин тIунарив вердишарун важиблу я, хабар гана РД-дин  тIе­­биат­дин ресурсрин ва экологиядин минис­тер­стводай.

Гьазурайди — Жасмина Саидова