Махачкъалада Украинада кьиле физвай махсус серенжемдин иштиракчийриз куьмек гун патал «Ватан хуьзвайбур» лишандик кваз тешкилнавай Государстводин фондунин филиал ахъайнава. Дагъустанда ихьтин филиал ахъаюн Сергей Меликова лишанлу вакъиа тирди къейдна. Ам кардик кутун патал зегьмет чIугур гьар са касдиз ада сагърай лагьана.

«Чаз гьар са муниципалитетда серенжем­дин гьар са иштиракчидин хизандиз куьмекдай яшайишдин къуллугъчи тайинариз­ кIанзава. Виридалайни важиблуди алай вахтунда чун зулумдикай, писвиликай хуьзвайбуруз далу пата чпин хизанрихъ куьмек тIалабдай мумкинвал авайди ва абурув ам агакьни ийидайди чир хьун я», — къейдна республикадин Кьили филиал ачухуниз талукьарнавай мярекатдал.

Филиалдин регьбердин везифаяр вахтуналди тамамарзавай Мегьамед Рашидован гафаралди, куьмек тIалабдай серенжемдин гьич са иштиракчини, абурун хизанрай гьич са касни фикир тагана амукьдач. «Абуруз лазим куьмек гун патал чна хъсан коллектив арадал гъанва», — лагьана ада.

Кьилди къачуртIа, филиалда яшайиш­дин­ координаторрин къуллугъ, набутрихъ­ гел­къве­дай мектеб, психолого-пси­хо­терапев­ти­ческий куьмекдин кабинет, юристрин къуллугъ, ктабхана, аялар къугъвадай махсус кIвал ва маса отделенияр кардик кутунва.

Чи мухбир