Дагъустандин Кьил Сергей Меликова здравоохраненидин хилез талукь са жерге серенжемар кьилиз акъудзавай гьалдал кьетIен гуьзчивал тухунин буйругъ ганва. И кардин себеб медицинадин бязи идарайра кIвалах хъсандиз тешкил тавунихъ, энгел тавуна, гьялна кIанзавай са жерге месэлайрихъ галаз алакъалу я. Республикадин духтурханайра авай гьалариз, чкайрал физ, къимет гуда, — къейдна РД-дин Гьукуматдин Председатель Абдулмуслим Абдулмуслимова ислен юкъуз Махачкъалада кьиле фейи совещанидал.
Республикадин Гьукуматдин членрин иштираквал аваз кьиле фейи мярекатдин сергьятра аваз, верем азар (туберкулез) акатнавайбур сагъар хъийидай 320 чарпайдин диспансер эцигна акьалтIарунни веревирдна. Малум тирвал, и объект эцигун гьеле 2006-йисуз гъиле кьунай.
Абдулмуслим Абдулмуслимова хабар гайивал, алай вахтунда диспансердин дараматдин 78 процент гьазур я. Эцигунар гъиле кьурдалай кьулухъ саки 1 миллиард манат харжнава. Премьер-министрди гьукумдин талукь органрал ихтилат физвай объект жезмай кьван фад эцигна кардик кутунин жигьетдай теклифар гьазурун тапшурмишна.
Чи мухбир
