14-майдиз  Кьурагь райондин  КIирийрин хуьруьн З.Батманован тIварунихъ галай школа­-интернатдин бинедаллаз мергьяматлувилин “Леки” фондуни, алим ва жемят патал авур гзаф кьадар хъсан крарин иштиракчи Мариф Жамединович Къадимован тIвар эбеди яз хуьниз талукьарна,  информатикадай   районрин уртах олимпиада кьиле тухвана.

Олимпиададин иштиракчияр Кьурагь, Хив, Мегьарамдхуьруьн, СтIал Сулейманан, Дербент районрай ва Махачкъала шегьердай атанвай  9-10-классра кIелзавай аялар тир.

Итижлудаказ кьиле тухвай акъажунрин нетижаяр ихьтинбур хьана:

1-чкадиз  ва 10 агъзур манатдиз КIи­рий­рин хуьруьн З.Батманован тIварунихъ галай школа­да кIелзавай Абдулаева Рамиля Рави­ловна ла­йихлу хьана. 2-чка Мегьарамдхуьруьн 1-нумрадин СОШ-дин ученик Жафаров Нажмудин Маратовича кьуна, адаз  7 агъзур манат­ гана. 3-чкадал Мегьарамдхуьруьн         1-нумрадин СОШ-дин ученица Къазиагьмедова Ирина Расимовна ала. Адаз 5 агъзур ма­нат пулдин пишкеш гана.

Гъалиб хьайи аялрин муаллимризни гьардаз 5 агъзур манат пулдин пишкешар гана. Абуруз гьакIни чухсагъулдин чарар, Мариф Къадимован “Тарни тIвар” ва “Уьмуьр­дин чан алай лишанар” ктабар, махсус кхьинар алай блокнотар ва къелемар гана. Мярекатдин вири иштиракчийрив  Фондунин патай и кар тестикьарзавай  сертификатарни агакьна.

“Леки” фондунин коллективди КIирийрин хуьруьн мектебдин  директор Надир Сабирович­ Тагьироваз, тербияламишунин рекьяй заместитель Къазиев Абузар Арифовичаз,  мате­ма­тикадай ва информатикадай  муаллим  ТIагьи­ров Зелимхан Надировичаз ва мектебдин вири коллективдиз, гьакIни Мариф Жамединовичан  рухвайриз — Замир ва Мансур Къадимовриз, “Образование” хиляй куратор, физикадинни математикадин илимрин кандидат, МФТИ-дин умуми физикадин кафедрадин доцент Азим Нуьгьоваз мярекат тешкилиз ва кьиле тухуз куьмек гунай чухса­гъул малумарна. Разивилин келимаяр,  гьакIни  пишкешар яз гун патал лазим пулдин такьатар тади гьалда кIватIиз ва олимпиада лазим къайдада кьиле тухуз куьмек гайи Фондунин активистризни  лугьузва.

Ж.Саидова