Мукьвара «SOUTH HEAT» карханадин генеральный директор, Алкьвадар Гьасанан тIварунихъ галай медениятдинни марифатдин центрадин директордин куьмекчи Мурад Мегьамедкеримова алай йисуз вичин хайиди тир СтIал Сулейманан райондин Агъа СтIалрин юкьван мектебдин 10-класс вири вадар аваз акьалтIарай пуд аялдиз дипломарни пулдин пишкешар гана.
Меценатдин патай дипломризни пишкешриз Самира Абумуслимова, Айишат Садикьова, Эмилия Саруханова лайихлу хьана. Классдин руководитель Людмила Мегьамедовадин зегьметни пулдин пишкеш гуналди къейдна.
Мярекатда “Лезги газетдин” кьилин редактор Мегьамед Ибрагьимова, мектебдин директор Феликс Магьмудовани иштиракна. Чпин рахунра абуру Мурад Мегьамедкеримова хайи чIал, меденият вилик тухуник чIехи пай кутазвайди къейдна ва виликдай адан куьмекдалди кьиле тухванвай бязи серенжемар рикIел хкана.
Хайи чIалахъ, халкьдихъ рикI кузвай Мурад Мегьамедкеримов хьтин жумарт рухваяр къуй чахъ пара хьурай!
Чи мухбир
