Къейд авун лазим я хьи, ОМС-дин полис авай агьалийриз ОМС-дин такьатрин гьисабдай чпиз медицинадин рекьяй гьихьтин къуллугъар авунатIа чирдай мумкинвал ачух хьанва. И кIва­лах­ госукъуллугърин порталда авай “Зи сагъламвал” тIвар ганвай хсуси кабинетдикай менфят къачуналди ийиз жеда. Стра­хо­ватнавай гьар са касдивай та­­лукь­ тир делилар РД-дин ТФОМС­­-дин официальный сайтдин (http:www//fomsrd/ru.) “Хсуси ка­бинет” разделдай къачуз же­да. И къайдади гьар са агьалидиз ви­чиз медицинадин ре­кьяй­ гьи­кьван къуллугъар авуна­тIа, гьа кардал масадан куьмек галачиз гуьзчивалдай мумкинвал гузва.

Пациентдин “Хсуси кабинетдин” кьилин везифа  пациентдиз вич поликлиникадихъ гал­кIурна­вайвилиз талукь малуматар ви­чи ахтармишдай, вичиз ам­булаториядинни поликлиникадин ва стационардин шар­тIа­ра медицинадин рекьяй ганвай куьмекдин кьадаррихъ галаз таниш жедай мумкинвал гуникай ибарат я.

Эгер вич сагъар хъувунин гьакъиндай агакьнавай делилрик дуьз тушир чкаяр квайди ма­лум хьайитIа, страховатнавай касдивай интернет-ресурсрин куьмекдалди идан патахъай ме­дицинадин страховой организация хабардар ийиз жеда.

“Хсуси кабинетда” авунвай кхьинрин дуьзвал ахтармишуналди, страховатнавай ксари  ме­дицинадин идарайрин кIва­лахдин еридиз къимет гузва ва мажбуридаказ медицинадин рекьяй страховатунин такьатар харж авунин кIвалах гуьзчивилик кутунин карда иштиракзава.

“Пациентдин хсуси кабинетдикай” менфят къачузвайбуруз кьилдин ксариз талукь делилар ва духтурдин сагъар хъувунин сир раиж тавунин гьакъиндай РФ-дин законодательстводи та­йинарнавай истемишунрал амал авуналди, чпиз талукь делилар къерехдин ксариз раиж тавун тамамвилелди заминламишнава.

Квевай куь медицинадин страховой организациядай квез медицинадин рекьяй авунвай къуллугъриз ва абурун къиметдиз талукь чарчел алай справкани къачуз жеда.

Ф.Керимов,
РД-дин ТФОМС-дин Мегьарамдхуьруьн филиалдин кар алай пешекар