Россиядин МЧС-дин РД-да авай Кьилин управленидин УНД-дин ва ПР-дин Махачкъала шегьердин гуьзчивалдай ва профилактикадин кIвалахдин отделди хабар гузвайвал, 2018-йисан майдилай сентябрдалди Махачкъала шегьерда “Школа — 2018” лишандик кваз махсус серенжем кьиле тухузва.
Серенжемдин макьсад цIаяр кьуникай хуьнин дережа хкажуникай, шегьердин образованидин объектрал цIаяр кьунин дуьшуьшар арадал атуниз рехъ тагуникай, цIаяр кьунин дуьшуьшар хьайитIа, абуру арадал гъизвай пучвилер жезмай кьван тIимилариз алахъуникай, цIаяр кьуниз рехъ тагунин барадай талукь тир къурулушрин кIвалахдин менфятлувал хкажуникай ибарат я. Идахъ галаз алакъалу яз талукь тир серенжемар кьиле тухудай чIавуз дараматриз гьахьдай ва анрай экъечIдай рекьер авай гьалдиз, цIаяр кьуникай хабардар ийидай сигнализациядин тадаракар аваз хьуниз ва абур къайдадик кваз хуьниз, дараматар цIаяр хкадардай целди таъминарун авай гьалдиз, электрикдин сетар ва тадаракар авай гьалдал гуьзчивал авуниз, цIай хкадардай тадаракралди таъминаруниз, цIаяр кьуникай хуьнин месэлайрай гъавурдик кутунин кIвалах тухуниз, цIаяр кьуникай хуьдай серенжемар кьиле тухуз чируниз кьетIен фикир гуда.
ЦIаяр кьуникай хуьнин кIвалах тарифдай чкадал алачиз хьун инсанрин саламатвал хуьн таъминарунин серенжемар кьиле тухудайвал бес кьадардин пулунин такьатар ахъай тавунихъ галаз хейлин дережада алакъалу я.
“ЦIаяр кьуникай хуьнин гьакъиндай” Федеральный закондал асаслу яз, цIаяр кьуникай хуьнин истемишунрал амал тавур идарайрин, организацийрин, абурун къуллугърал алай ксарин ва маса гражданрин хиве жавабдарвал гьатзава.
М.С. Супьянов,
старший инспектор, къенепатан къуллугъдин капитан
