И йикъара Дербентда 2010-2011-йисара дидедиз хьайи жаванрин арада азаддаказ кьуршахар кьунай шегьердин ачух кIвенкIвечивал патал акъажунар кьиле фена. Ана, Дербент шегьердин хьиз, Кьиблепатан Дагъустандин са жерге районрай тир спортсменрини гьасиррал чпин устадвал къалурна.
Абурун арадай тир Докъузпара райондин гъвечIи пагьливанар — Али Шамхалов (28 кг), Осман Халилов (31 кг) ва Ислам Халилов (42 кг) — къизилдин, Гьажирамазан Алаудинов (32 кг) ва Расул Гьасанов (35 кг) — гимишдин, Рашид Агъаханов (22 кг) ва Рамазан Лалаев (35 кг) буьруьнждин медалриз лайихлу хьана.
Р.Рамалданова
