Мегьарамдхуьруьн районда тренер Садир Айвазован гъилик вердишвилер къачузвай гадайри дзюдодай, самбодай, женгинин самбодай, грэпплингдай ва спортдин маса жуьрейрайни къазанмишзавай агалкьунрикай чна мукьвал-мукьвал хабарар гузва. Районда спорт вилик тухуник ада лайихлу пай кутазвайди, хейлин акъажунриз ада аялар вичин хсуси такьатрихъ тухузвайди чаз сир туш. Ада хуьрера устадвал хкажзавай аялрин дережа агъузди туширди тестикьарзава…
ИкI, мукьвара Воронежда самбодай 16 йисалди яшара авай жаванрин арада кьиле фейи Вирироссиядин турнирда Садир Айвазован гъилик вердишвилер къачузвай Нежведин Якьубханова (35 кг-дал къведалди заланвиляй), Равиль Эскандарова (38 кг-дал къведалди заланвиляй) ва Сабир Агьмедова (54 кг-дал къведалди заланвиляй) — къизилдин, 88 кг-дал къведалди заланвал авайбурун арада Эмин Абасова гимишдин медалар къазанмишна.
Р. Рамалданова
