СтIал Сулейманан  районда “Полоса” ООО-ди неинки республикада, гьакIни вири уьлкведа виридалайни чIехиди тир шуьмягърин багъ кутунин  проект уьмуьрдиз кечирмишзава, хабар гузва РД-дин Россельхозцентрадин пресс-къуллугъди.  Са тIимил вахт идалай вилик Россельхозцентрадин Дагъустанда авай филиалдин къуллугъчийри шуьмягърин 815 агъзур къелем ахтармишна ва сертификатар гана. Ида абуруз датIана Италиядай гъун мажбур жезвай къелемар хсусибуралди эвездай мумкинвал гана.

Филиалдин регьбер  Жанна Къазанбиева  ва тумчивилин отделдин начальник Мурад Муртазалиев инвестпроект кьилиз акъудзавай чкадиз фена ва хсуси производстводин къелемар  кутазвай тегьер ахтармишна. Къейд ийин,  къелемрин кьетIенвал адакай ибарат я хьи, абур  чкадин гьавадин ва накьвадин шартIара экъечIнава, гьаниз килигна, фад арадал къведайвал я.

Алава хъийин: майишатда  гьакIни мад 700 гектарда  ичерин, чуьхверрин ва пIинийрин къелемар кутада.  Майишатди хсуси къелемлухрин бине арадал гъизва. Ана 40 гектарда къелемар гьасилда.

Ж. Саидова