Мегьарамдхуьруьн районда, дишегьлийрин сувариз талукьарна, акъажунар кьиле тухун фадлай авай адет я. ИкI, райадминистрациядин пресс-къуллугъди хабар гузвайвал, 5-мартдиз Мегьарамдхуьруьн 2-нумрадин ДЮСШ-да кьиле фейи райондин чемпионатда 8 командадик кваз саки вишев агакьна рушари иштиракна.

Райадминистрациядин физический культурадин ва спортдин отделди тешкилнавай спортдин серенжемдин макьсад районда волейбол вилик тухун, адал къугъвазвай рушарин кьадар артухарун, бажарагъ авайбур хкягъун, дуствилин алакъаяр мягькемарун тир.

Итижлудаказ ва къизгъиндаказ кьиле фейи акъажунра Гъепцегьрин команда 1-чкадиз лайихлу хьана. Кчун-Къазмайрин ва Советский хуьруьн командайри 2 ва 3-чкаяр кьуна.

Рагнеда Рамалданова