И мукьвара Орёл шегьерда юкьваз ва кIвачериз тIарвилер хьуникди бедендин мумкинвилер сергьятламиш хьанвай ксарин арада армрестлингдай Россиядин чемпионат кьиле фена.

Ана чи уьлкведин жуьреба-жуьре пипIерай тир спортсменри чпин устадвал къалурна. ИкI, 55 кг-дин заланвал авайбурун арада вичин ери-бине Мегьарамдхуьруьн райондин Къличхан хуьряй тир  Аким  Гьамзатова  кьве номинациядай (эрчIи ва чапла гъилерин къуват ва устадвал къалурна) 1-чка кьуна. Аферин!

Чемпиондин тренер, Европадин ва дуьньядин чемпион Малик Тагьирбегова Мегьарамдхуьруьн райондин кьил Фарид Агьмедоваз спортсменриз гузвай куьмекдай сагърай лугьузва.

Регина  Семедова