Махачкъалада Россиядин йикъаз ва Ураза-Байрам суварриз талукь яз «Старты надежды» тIвар алай спортдин фестиваль кьиле фена. Адан тешкилатчияр республикадин ДЮСШ, иштиракчиярни 1,5 агъзурдилай гзаф аяларни абурун диде-бубаяр тир.

Са шумуд майдандал футболдай, теннисболдай ва бамперболдай мини-турнирар, аниматоррин иштираквални аваз шоу кьиле фена. Фестивалдин эхирдай цавуз еке шар ахъайна. Гьар са касдихъ ана акьахна цавай республикадин меркездиз килигдай мумкинвал авай.

Фестивалдин гъалибчийрин арада неинки футболистар, гьакI боксерар, каратистар, тхэквондистар, шахматистар авай. Республикадин ДЮСШ-да боксдай старший тренер Мегьамедрасул Ильдарова диде-бубайрин комитетдин патай спортдин школадин директор Александр Маркароваз чухсагъулдин чар гана.

Дагъви Шериф