Каспийскда Али Алиеван тIварунихъ галай спортдин ва жегьилрин комплексда Мегьамед-Салам Умаханован экуь къаматдиз бахшна боксдай кьиле фейи международный нубатдин турнир акьалтIна.
Турнирда виридалайни гзаф медалар Россиядин боксёрри къазанмишна. Абур 12 къизилдин, 7 гимишдин, 19 буьруьнждин медалрин сагьибар хьана. Амай медалар Индиядиз (1-2-4), Азербайжандиз (0-0-4), Узбекистандиз (1-1-0), Щвециядиз (1-0-1), Къиргъизистандиз (0-2-0), Эстониядиз (0-1-0), Латвиядиз (0-1-0), Эрменистандиз (0-1-0), Къазахстандиз (0-0-1) хутахна.
Къизил Александр Кулешова (51 кг, Россия), Людмила Воронцовади (57 кг, Россия), Наталья Шадринади (60 кг, Россия), Наталия Сычуговади (69 кг, Россия), Савеета (75 кг, Индия), Эдмонд Худояна (49 кг, Россия), Ахтем Закирова (52 кг, Россия), Абдулгьай Шарагьматова (56 кг, Узбекистан), Надырхан Загьидова (60 кг, Россия), Дмитрий Зубкоди (64 кг, Россия), Вадим Мусаева (69 кг, Россия), Тамерлан Къазиева (75 кг, Россия), Мурад Рабаданова (81 кг, Россия), Александр Бвамбаледи (91 кг, Швеция), Мегьамед Омарова (+91 кг, Россия) къачуна.
Дагъви Шериф
