22-июндиз Докъузпара райондин администрациядин дараматда муниципальный райондин Кьил Абдурагьим Алискерован регьбервилик кваз терроризмдиз акси комиссиядин заседание кьиле фена.
Анал Докъузпара райондин прокурор Мисбагь Назирова, хатасузвилин рекьяй райондин кьилин заместитель Къазихан Мегьединова, Ахцегь районда авай Россиядин ФСБ-дин къуллугъдин начальникдин заместитель П.Степанова, райондин спортдин, жегьилрин сиясатдин ва туризмдин отделдин начальник Агъашериф Агъаширинова, райондин имам Валиюллагь Баласиева, миграционный къуллугъдин начальникди, образованидин управленидин методист Осман Османова ва идарайрин руководителри, хуьрерин администрациядин кьилери иштиракна.
Кьиле фейи заседанидал агъадихъ галай месэлайриз килигна:
- 2017-2018 кIелунин йисуз райондин школайра терроризмдин ва экстремизмдин аксина серенжемар тешкилуникай. Террордиз акси школаяр цIаяр кьунин нетижайрикай хуьнин хатасузвилин терефдикай;
- 2018-йисан сад лагьай паюна жегьилрихъ галаз терроризмдин таблигъат явашарунин рекьяй тухвай кIвалахдикай;
3.Алай йисан сад лагьай паюна «Докъузпара район» МР-дин территорияда терроризмдин аксина тухванвай комплексный пландин гьакъиндай;
4.Докъузпара райондиз маса мигрантар куьч хьунин гьалдикай.
Винидихъ тIварар кьунвай хилерай кIвалахзавай А.Агъаширинова, О.Османова, Къ.Мегьединова, миграционный къуллугъдин начальникди тухванвай кIвалахдикай ихтилатна.
Докладдин эхирдай Къазихан Мегьединова терроризмдиз акси комиссияди кьабулнавай къарардихъ галаз заседанидин иштиракчияр танишарна.
«Лезги газет»
