РФ-дин Президент Владимир Путинан Указдалди ЦIунти райондин Кидеро хуьруьн мектебдин ученик Агьмед Агьмедован викIегьвал кьейидалай кьулухъ “Телеф жезвайбур къутармишунай” медаль гуналди къейднава.
РикIел хкин, алатай йисан гатуз Кидеро хуьруьн мулкара къугъвазвай кьве аялдал жанавуррин лужуни гьужумна. Вагьшияр 6 йис хьанвай гададик кIирер кутаз агакьна. Адаз куьмек гун патал адан 8 йис хьанвай стха жанавуррихъ галаз “бягьсиниз” экъечIна. Адалай вагьшияр чукуриз алакьнатIани, хьайи хирерикди гадади чкадал чан гана.
И агьвалатдилай кьулухъ Дагъустандин тIебиатдин ресурсрин ва экологиядин министерстводи ЦIунти районда жанавуррин кьадар тIимиларун патал гъуьрчехъанрин махсус десте рекье тунай. А чIавуз абуру цIудалай виниз вагьшияр тергна.
Чи мухбир
