РД-дин Гьукуматдин Председатель Абдулмуслим Абдулмуслимова республикадин Халкьдин Собранидин вилик доклад авурдалай кьулухъ адаз са шумуд депутатди суалар гана. Абур яшайишдин объектар, иеси авачир кицIер патал махсус питомник эцигуниз, рекьер авай гьалариз ва маса месэлайриз талукьбур тир. Санлай къачурла премьер-министрдиз депутатри 10 суал гана.
Депутат Шамил Омарова Махачкъаладин аэропортунай республикадин меркездиз хкведай жемиятдин улакьрин маршрутар кардик квачирди къейдна ва и месэла гьялун патал гьукуматди гьихьтин серенжемар кьабулзаватIа хабар кьуна.
Суалдиз жаваб гудайла, А.Абдулмуслимова къейд авурвал, РД-дин транспортдин ва рекьерин майишатдин министерстводи «Кьиблепатан автостанция» — «Махачкъаладин аэропорт» ва «Махачкъала шегьер» — «Махачкъаладин аэропорт» — «Р.Гьамзатован тIварцIихъ галай проспект» маршрутар кардик кутун патал конкурс малумарнава. Мукьвал тир девирда тIвар кьунвай маршрутар кардик акатдайвал я.
Чи мухбир
