КIварчагъ дереда жавабдар везифаяр тамамарзавай вахтунда Сергей Меликов машгьур спортсмен Гь.Аллагьвердиеван тIварунихъ галай бокс вилик тухудай центрадизни фена. ДЮСШ-дин боксдай тренер-муаллим Альберт Межидова С.Меликов жаван спортсменрихъ, центрада чирвилеринни спортдин тренировкаяр кьиле физвай къайдадихъ, боксеррин агалкьунрихъ галаз танишарна…
Центрадиз Кьиблепатан Дагъустанда боксдай вердишвилер гузвай чад лугьузва. Алай вахтунда ина чпин яшар 9 -далай 17 йисалди тир 50-далай гзаф жаванри вердишвилер къачузва. Абурун жергедай тир 40-далай виниз спортсменри жуьреба-жуьре акъажунрани турнирра кIвенкIвечи чкаяр кьунва. Жаванрихъ мадни чIехи агалкьунар хьунин мураддалди Сергей Меликова центр алава тренажёрралди ва спортдин экипировкадалди таъминарунин тапшуругъ гана.
Чи мухбир
