— Лемурар анжах Коморский островра ва Мадагаскарда яшамиш жезва.
— Виликдай лемуррин жуьреяр 60 аваз гьисабзавай. Пешекарри тестикьарнавайвал, 2008-йисалай инихъ и гьайванрин 93 жуьре малум я. Вири жуьреяр ругуд килфетдиз пай жезва. Абур сад муькуьдалай рангуналди, бедендин екевилелди тафаватлу я.
— Индри виридалайни еке лемуррин жуьре я. И вагьшийрин заланвал 10 килограммдив агакьзава, бедендин яргъивал — 90 сантиметрдив.
— Индри лемурри экуьнахъ акъуддай ванер 2 километрдин мензилдиз кьван акъатда.
— Бязи лемуррин тум бедендилай яргъи я.
— Лемурар асул гьисабдай йифен гьайванар я.
— И вагьшийрин вилер екебур ва элкъвейбур я.
— Инсанар ва маймунар хьиз, лемурарни приматрик акатзава. Маймунрилай тафаватлу яз, лемурар инсанриз лап тIимил ухшар я.
— Адет яз, лемурар тарара яшамиш жезва. Абуру тарарай тарариз хкадарда. Амма бязи жуьреяр чилел яшамиш жеда.
— Латин чIалай таржума авурла, “лемур” гафунихъ “йифен къаралту” лагьай мана ава.
— Бязи лемурри тарарин пешерик квай зегьерламиш жедай затIариз акси яз накьв ишлемишзава.
— Гереквал хьайитIа, лемурривай яргъалди члада гьахьиз жеда.
— Мадагаскардин агьалийриз лемуррихъай кичIезва. Эгер лемур яна кьейитIа, агьалийри чеб лянетдик акатун ва са йисалай кьиникь мумкин яз гьисабзава.
— Мадагаскардин агьалийри лемурар пис жинерин куьмекчияр яз гьисабзава.
— Лемуррин рикI алай ем хумравар я.
— И гьайванрин хизанда 3-далай 30-дал кьван лемурар хьун мумкин я. Абур дуствилелди яшамиш жеда.
— Лемурар пара мукъаят ва кичIедай гьайванар я. Гьа са вахтунда абур инсандив вердиш хьун инкарзавач. Алимри субутнавайвал, инсанрив вердиш хьун патал са шумуд йис герек жеда.
— Лемурриз тIебиатда душманар тIимил авач. Абурал гъуьлягъри, чинеругри, кицIери, фоссади, мунгоди ва маса йиртижийри гъуьрч ийизва. Саки 25 процент лемурар и вагьшийрин къурбандриз элкъвезва.
— Юкьван гьисабдалди лемурар 25-27 йисуз кьван яшамиш жезва.
«Лезги газет»
