Балугъчивал Дагъустандин АПК-дин секторда йигин

камаралди вилик физвай хилерикай сад я

Къизляр районда авай “СК Аква” компанияди “Кавказ.РФ” корпорациядин куьмекдалди  арадал  гъайи  балугърин комплексдин мулкарал осетрдин ­жинсинин балугъар гьялдай цех эцигдайвал я. Идакай РФ-дин экономи­кадин рекьяй вилик финин минис­терстводин пресс-къуллугъди хабар ­гузва.

“Чав инвестордин патай балугъар гьялдай цех эцигунин жигьетдай теклиф агакьнава. Алай вахтунда чна и проектдихъ галаз алакъалу мес­элаяр веревирдзава”, — хабар гана “Кавказ.РФ” корпорациядин генеральный директор Андрей Юмшанова.

Адан гафарай малум хьайивал, алай вах­­тунда комплексди балугъар гьялун патал маса карханайриз маса гузва. 2022-йисан 9 вацран къене балу­гъар­ ма­са гунин нетижада 23 миллион ма­нат­ къазанжияр атана. Эгер чкадал балу­гъар гьялдай цех кардик акатайтIа, арадал къвезвай къазанжийрин кьадарни артух жеда.

Мукьвара Дагъустандиз мугьман хьайи РФ-дин экономикадин рекьяй вилик финин министрдин заместитель Сергей Назарова къейд авурвал, Дагъус­тандин АПК-дин секторда балугъчивал йигин камаралди вилик физвай хилерикай сад я.

Чи мухбир