— Асландин фиридин чIарарин яргъивал 40 сантиметрдив агакьун мумкин я.
— Аслан еке яни, тахьайтIа, — пеленг? И месэладин патахъай гьуьжетар алай вахтундани давам жезма. Бязи алимрин фикирдалди, пеленгар асланрилай еке я. Амма и делил инкарзавай пешекарарни ава.
— ТIебиатда асланар 10-14 йисуз яшамиш жезва. Азад тушир шартIара асланрин уьмуьр гьатта 20 йисалайни артух давам хьун мумкин я.
— Еке асландин къармахрин яргъивал 7 сантиметрдив кьван агакьда.
— Къадим Египетда аслан пак гьайван яз гьисабзавай. Египетвийри и вагьшидин къудратлувилиз гьуьрметзавай.
— Асланар Африкада виридалайни кагьул, темпел гьайванар яз гьисабзава. Эгер руфун тух ятIа, абуру садрани гъуьрч ийидач.
— Кьве йис хьанвай аслан чIехи хьанвайди яз гьисабзава.
— Асландин рекьвер мягькембур, къуватлубур я.
— Итижлу делилрикай сад ам я хьи, асланривай варцаралди яд хъун тавуна дурум гуз жеда. Герек тир кьеж абурув незвай емдикай агакьзава.
— Асландивай са сятдин вахтунда 60 километрдин мензилдиз чукуриз жеда. Амма ихьтин йигинвал аваз абуру анжах 90 метрдиз кьван чукурда.
— Тух хьун патал асландиз гьар юкъуз 5-7 килограмм як чарасуз я. Гьа са вахтунда абуру са сеферда 30 килограмм кьван як тIуьнни мумкин я.
— Асланри гзафни-гзаф йифен вахтунда гъуьрч ийида — мичIи чIавуз абурун вилериз хъсандиз аквада. Асландин вилериз инсандин вилерилай 7 сеферда хъсандиз аквазва.
— Кацерин жинсиникай тир вири гьайванрин арада асланар кьакьанбур я.
— Еке асландин заланвал 150-250 килограммдикай ибарат жеда.
«Лезги газет»
