Чна виликдай хабар гайивал, “Сад тир Россия” партияди тешкилна кьиле тухвай ватанпересвилин “Гъалибвилин диктант-2022” серенжемда 45 уьлкведай тир 1,6 миллион касди иштиракна.
“Чи Гъалибвал” тешкиллувилин комитетдин экспертрин советди тайинарнавай вахтунин 15 декьикьада вири суалриз дуьз жавабар гайи 239 иштиракчидикай рандомдин къайдада федеральный 20 гъалибчи тайинарнай.
“Гъалибвилин диктант-2022” международный акциядин федеральный 20 гъалибчидин арада Дагъустандай тир иштиракчи — Белиж поселокдин юкьван образованидин 3-нумрадин школадин тарихдинни обществознанидин муаллим, чи лезги тават Тимурова Надият Ханкишиевнани авай.
25-ноябрдиз Москва шегьерда шад гьалара РФ-дин Госдумадин информациядин сиясатдин рекьяй комитетдин председатель Александр Хинштейна Надият Ханкишиевнадив приздин сертификатни къиметлу пишкеш вахкана. Вири гъалибчийри 2023-йисан Гъалибвилин парадда иштиракда.
Къагьриман Ибрагьимов
