И йикъара Дагъустандин образованидин ва илимдин министерствода РД-дин Кьилин патав гвай илимдинни образованидин месэлайрай Советдин кIвалахдин дестедин гегьенш заседание кьиле фена. Анал веревирд авур асул месэла талукь тир чирвилер къачунвай рабочий кадрияр ва пешекарар гьазуруникай тир.
Заседанида региондин властдин органрин, образованидин ва илимдин идарайрин, республикадин образованидин идарайрин выпускникар кIвалахдалди таъминарзавай карханайрин векилри иштиракна.
Заседанидал экономикадин хилер патал кадрияр гьазурунин, гьа жергедай яз, и кар кьилиз акъуддайла, идарайри сада масадахъ галаз алакъа хуьн таъминарунин кар алай месэлаяр къарагъарна.
Мярекатдин нетижада и ва я маса хиле кIвалахзавай карханайрин ва абур патал пешекарар гьазурзавай образованидин ва илимдин идарайрин арада алакъаяр мягькемарунин ва гегьеншарунин къарар кьабулна.
Идалайни гъейри, федеральный “Профессионалитет” проектдин сергьятра аваз арадал гъанвай хуьруьн майишатдин кластердин кIвалахдалди таъминарзавайбурун кьадар гзафардай, гьакIни промышленностдин, эцигунардай, информациядин къурулушрин хилера цIийи кластерар арадал гъун патал къуватар желбдай фикирдал атанва.
«Лезги газет»
