— Вагьши, йиртижи гьайванрикай хейлинбуру неинки як, гьакI набататарни незва.
— Гъуьлягърин вири жуьреяр йиртижийрик акатзава.
— Йиртижияр кьве асул дестедиз пай жезва: кицIерин ва кацерин жинсеринбур.
— КицIер хьтин вагьшийрин дестедик кицI, сев, жанавур, енот, скунс, морж, гьуьлуьн кицI ва масабур акатзава.
— Кацер хьтин вагьшийрик аслан, пеленг, мангуст, кIвалин кац, къаракъулах (гиена) ва масабур акатзава.
— Кацер ва кицIер хьтин гьайванар кьилдин са шумуд килфетдиз пай жезва.
— Виридалайни тIимил жуьреяр авайди къаракъулахрин килфет я. Абурук 4 жуьре акатзава.
— Пешекаррин фикирдалди, са мус ятIани дуьньядал хьайи виридалайни еке йиртижи тироннозавр я. Бязи делилралди, и аламатдин динозаврдин бедендин яргъивал 10-12 метрдикай ибарат тир, заланвал — 7-8 тонндикай.
— Лужунин башчидиз муьтIуьгъвал авун кицIерин ивидик ква. Гьавиляй абур инсанривайни вердишариз жезва. Амма кацерин тIул и жигьетдай масад я — абур аслу туш ва вердишарун гзаф четин я.
— Кашалот чи планетадал алай лап еке вагьши гьайванрикай я. Адан заланвал 50 тонндив ва бедендин яргъивал 20 метрдив агакьда. Кашалотар вишералди кIеретI-кIеретI жеда.
— Индонезиядин островра Чилел алай лап еке чурчул — комодский варан — яшамиш жезва. Адан бедендин яргъивал 3 метрдив ва заланвал 35-70 килограммдив агакьзава.
— Картарин жинсиникай тир сапсан виридалайни йигиндиз лув гудай къуш я.
— Лацу наха (акула) лап еке вагьши балугъ я. Адан яргъивал 6 метрдив агакьда, заланвал — 2 тонндив. Гьар йисуз дуьньядал 1-2 кас лацу нахадин къурбанддиз элкъвезва.
— Пешекарри къейдзавайвал, алай вахтунда лап йиртижи гьайванрикай гзафбур терг хьунин къурхулувилик акатнавайвиляй Яру ктабдик кутунва.
«Лезги газет»
