«Игитдин тlвар – мектебдиз» тlвар алай ватанпересвилин проектдин сергьятра аваз Сулейман-Стальский райондин Юкьван Стlалрин Радим Халикьован тlварунихъ галай мектебда «Игитар яз хазвайди туш, игитар игитвилери арадал гъизвайди я» темадай классдилай къеце тир мярекат кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.
Юкьван Стlалрин мектебдин РДШ-дин (Российское движение школьников) активистри Радим Абдулхаликьович Халикьован игитвиликай гьазурнавай презентация къалурна, адан уьмуьрдикай, кьилиз акъудай гьунардикай ихтилатна.
Мярекатдин эхирдай 7-классда кlелзавай аялри «Инсан – риваят» темадай кхьенвай ахтармишунин кlвалахдихъ галаз вири иштиракчияр танишарна.
«Лезги газет»
