Къизилюртдин властри менфятлу кIвалахдай муниципалитетдин 1,2 миллион манатдин приздин грант СВО-да иштиракзавай аскерриз ва абурун хизанриз гана. Идан гьакъиндай шегьердин администрациядин пресс-къуллугъди ислен юкъуз хабар гана.
Къизилюртдин администрацияди махсус военный серенжемда иштиракзавай аскерриз ва абурун хизанриз куьмек гунин мураддалди приздин грантдин такьатар рекье туна. “1,221 миллион манатдин кьадардин грант Къизилюртдиз чкадин самоуправленидин органри менфятлудаказ кIвалахунай, приздин чка кьурла, чара авуна”, — лугьузва малуматда.
Къейд авун лазим я хьи, Къизилюртдин кьилин къарардалди и пулуникай са миллион манат тамам тушир мобилизациядин сергьятра аваз махсус военный серенжемдин зонадиз фейи аскеррин хизанриз алава куьмек гун патал рекье туна.
«Лезги газет»
