Дагъустан промышленностдин ре­кьяй вилик финин фондуни махсус военный серенжемдин игьтияжар патал продукция акъудзавай Дагъустандин карханайривай 20 миллион манатдин кьван са процентдин заем къачуз жедай прог­рамма тестикьарун пландик ку­тунва.

Идан гьакъиндай 14-ноябрдиз региондин гьукуматдин пресс-къуллугъда журналистриз хабар гана. И карханаяр патал гъиле авай гьафтеда промышленность вилик тухудай региондин фондунин “Сифтегьан чарасузвал” программа тестикьарун пландик кутунва. “Программадин сергьятра аваз военный серенжем (СВО) патал продукция гьазурзавай карханайриз кьве йисан муддатда 20 миллион манатдив агакьна са процентдин заем къачун теклифзава”, — хабар гузва малуматда.

Къейдзава хьи, и такьатар карханадин производстводин кIвалах таъминардай оборотдин активар маса къачун патал рекье тваз жеда.

Региондин промышленностдин ва алишверишдин министр Низам Хали­лован гафаралди, тереф хуьнин се­ренжемри республикадин промышлен­ностдин карханайриз махсус военный серенжемдин месэлаяр патал продукция атIунар авачиз акъуддай мумкинвал гуда.

«Лезги газет»