Хуьрерин мулкар абадвилихъ тухунин федеральный программадин сергьятра аваз Сулейман-Стальский райондин Кьасумхуьруьн рекьерин фондунин такьатрихъ Комсомольский куьчеда къир цана. И гьакъиндай «Лезги газетдиз» райадминистрациядин пресс-къуллугъди хабар гузва.
Къейдзавайвал, къир цанвай мензилдин яргъивал 1000 метр я, санлай 6000 квадратдин метр майдан цlийи хъувунва.
Кlвалахар «Прогресс» ООО-дин тешкилатди кьилиз акъудна.
Хуьрер абадвилихъ тухунин кlвалахар икьван чlавалдини муькуь хуьрера кьилиз акъуднава, абур мадни давамарзава. Гъилевай куьчеда къир цайидалай кьулухъ и хуьруьн мадни са шумуд куьчеда и кlвалах давамардайвал я.
Къейд ийин, эхиримжи йисара Сулейман-Стальский районда рекьерин фондунин гьисабдай яз 120 миллиондилайни гзаф пулдихъ куьчейра къирни цанва, экверни тунва.
«Лезги газет»
