Ахцегь районда Сбербанкдин филиал ачухунин важиблувиликай ихтилатар физ тlимил вахтар туш. Гьакъикъатдани, Докъузпара, Ахцегь ва Рутул районрин сергьятра Сбербанк авачирвиляй агьалияр кlеве гьатзавай. Тlварар кьунвай районрин агьалийриз Сбербанкдин филиал ачухуникди регьятвал жеда.
Къейд ийин, Ахцегьа Сбербанкдин анжах са банкомат кардик ква, адавайни тамамвилелди ахцегьвийриз къуллугъ ийиз жезвач. И банкоматдикайни менфят къачуз тахьайла, агьалияр Мегьарамдхуьруьз финиз мажбур жезвай.
Райадминистрациядин векилри хабар гузвайвал, мукьвара кардик акатдай филиал патал дараматни гьазурнава.
«Лезги газет»
