Дагъустандин здравоохраненидин министерстводин пресс-къуллугъди хабар гузвайвал, алимри коронавирусдиз акси рапар янавай кIвачел залан дишегьлияр кьейи аял хуникай хуьзвайди субутнава.
Алимри ахтармишнавайвал, коронавирусдикди азарлу хьайи кIвачел залан дишегьлийрин арада гзафни-гзаф кьейи аялар хунин дуьшуьшар гьалтзава. Им вирусди плацентадиз чIуру таъсир авунин нетижа я. Коронавирусдиз акси раб ягъуни кIвачел залан дишегьлияр и зарардикай хуьзва. Медицинадин илимрин доктор Сара Малкиди къейдзавайвал, ковиддиз акси раб дишегьлиди аял хун пландик кутурла, яни виликамаз, ахпани кIвачел залан хьайила, ягъун лазим я.
«Лезги газет»
